Չեխիայում կորոնավիրուսից մահացության ցուցանիշը Եվրոպայում ռեկորդային է համարվում

Չեխիայում Covid-19-ի դեպքերից մահացության ցուցանիշը Եվրոպայում համարվել է ռեկորդային՝ 100 հազար բնակչի հաշվով։ Այս մասին հայտնում է РИА Новости լրատվական գործակալությունը։

Համաձայն Հիվանդությունների վերահսկման եւ պրոֆիլակտիկայի Եվրոպական կենտրոնի տվյալների, վերջին երկու շաբաթում ԵՄ-ում 100 հազար բնակչի հաշվով ամենաշատ մահերը՝ 23,4 մահ, գրանցվել է Չեխիայում։ Երկրորդ տեղում Բելգիան է, երրորդում Բուլղարիան, ապա գալիս են՝ Լեհաստանն ու Սլովենիան։