Սարսափով եմ դա արձանագրել․ Ֆուտբոլի աշխարհի առաջնության հետ էր կապված տնտեսական ակտիվությունը
Հիշում եմ 2018 թվականը, երբ նոր էի ստանձնել վարչապետի պաշտոնը, հունիս-հուլիսին գրանցվեցին 9,5, 10,8 տնտեսական ակտիվության ցուցանիշներ: Ինձ հետաքրքիր էր, թե վերջապես ինչի հաշվին է դա արձանագրվել: Ես սարսափով արձանագրեցի, որ դրա մի հսկայական մասը կապված է ֆուտբոլի աշխարհի առաջնության հետ: Պարզվել էր, որ մեր երկրպագուները շատ մեծ տեմպերով խաղադրույքներ են կատարում:
Իհարկե դա բոլորի իրավունքն ու ազատությունն է, բայց խաղադրույք կատարելը Հայաստանում վեր էր ածվել տնտեսության առաջատար ճյուղի: Սրանով ամեն ինչ ասված է: Այս մասին քիչ առաջ Ազգային ժողովում 2023 թվականի բյուջեի քննարկումների ժամանակ հայտարարեց վարչապետ Նիկոլ Փաշինյանը։
«Չպետք է կանգնենք ուղղակի գովազդներն արգելելու վրա: Կառավարությունն աշխատում է շահումով խաղերի հարկման նոր, առավել արդյունավետ համակարգեր ստեղծելու վրա: Սարսափով ենք արձանագրում, որ սոցիալական նպաստ ստացող շատ քաղաքացիներ իրենց նպաստները ծախսում են խաղադրույքներ կատարելու վրա: Մենք պետք է գործուն քայլեր ձեռնարկենք սրան վերջ տալու համար: Այս դեպքում հարց է ծագում, թե ինչու է պետությունը նրանց վճարում»,- հավելեց նա։
Կարծիքներ