Սկսել են «օմիկրոն» շտամի դեմ նախատեսված պատվաստանյութի կլինիկական փորձարկումները

Pfizer եւ BioNTech դեղագործական ընկերությունները սկսել են «օմիկրոն» շտամի դեմ նախատեսված պատվաստանյութի կլինիկական փորձարկումները: Այս մասին տեղեկանում ենք ընկերությունների տարածած հաղորդագրությունից: «Pfizer եւ BioNTech ընկերությունները այսօր հայտարարում են կլինիկական հետազոտությունները, որպեսզի գնահատեն «օմիկրոն» շտամի դեմ նախատեսված թեկնածու պատվաստանյութի անվտանգությունը, տանելիությունը, իմունոգենությունն ու արդյունավետությունը առողջ մարդկանց շրջանում` 18 – 55 տարեկանների տարիքային խմբում»,- ասված է հայտարարության մեջ: Կլինիկական փորձարկումներին կմասնակցի մոտ 1 420 մարդ: