Չեն պատրաստվում հարձակվել Դոնբասի վրա․ հավաստիացում Կիեւից

Ուկրաինան երբեք մտադրություն չի ունեցել եւ չի պլանավորում հարձակողական գործողություններ իրականացնել երկրի արեւելքում, այլ, միջազգային գործընկերների հետ միասին, հետեւողականորեն փորձում է գտնել ճգնաժամի կարգավորման դիվանագիտական ուղիներ։ Այս մասին հայտարարել է Ուկրաինայի ԱԳ նախարար Դմիտրի Կուլեբան։ Այս մասին հայտնում է «Украинская правда»-ն։ Նա նաեւ հավելել է, որ Ուկրաինան որպես միջնորդներ հանդես եկող Ֆրանսիայի եւ Գերմանիայի հետ, անցյալ տարվա ընթացքում, փորձել է գտնել դիվանագիտական լուծումներ՝ Մինսկյան համաձայնագրերի շրջանակներում։