«Մեծ Յոթնյակում» ցանկանում են Ռուսաստանի հետ կայուն հարաբերություններ ունենալ

«Մեծ Յոթնյակի» երկրները հետաքրքրված են, որպեսզի կայուն եւ կանխատեսելի հարաբերություններ ունենան Ռուսաստանի հետ: Այս մասին հայտարարել են «Յոթնյակի ակումբի» ԱԳ նախարարները` այսօր Լոնդոնում տեղի ունեցած հավաքի արդյունքում: Միաժամանակ նաեւ` «Մեծ Յոթնյակը» ավելացնելու է ջանքերը Մոսկվայի սպառնալից վարքագծին դիմակայելու, կիբերսպառնալիքներին եւ ապատեղեկատվությանը դիմագրավելու համար: Հայտարարության մեջ նաեւ ասված է, որ «Մեծ Յոթնյակը» կոչ է անում Ռուսաստանին նվազեցնել լարվածությունը Ղրիմում եւ Ուկրաինայում: Հայտարարության մեջ նաեւ ասվում է, որ G7 անդամ պետությունները անհանգստացած են Ռուսաստանում մարդու իրավունքների վիճակից եւ այն սահմանափակումներից, որ կան մամուլի եւ իրավապաշտպանների հանդեպ: