Չգիտեմ այդ սարքերը կօգտագործվե՞ն, թե՞ ոչ
Առողջապահության նախարար Արսեն Թորոսյանը, պատասխանելով «Հրապարակի» հարցին, թե ի՞նչ կարծիք ունի վերանորոգված շնչառական սարքերի վերաբերյալ, պատասխանեց, որ դրանք որակյալ են, քանի որ ի սկզբանե բարձրորակ սարքեր են եղել։ Հիշեցնենք, որ օրեր առաջ բարձր տեխնոլոգիական արդյունաբերության նախարար Հակոբ Արշակյանն ասել էր, որ մեկ տասնյակից ավելի սարք է վերանորոգվել։ Թորոսյանը հավելեց, որ չգիտի՝ դրանք կօգտագործվեն՞, թե՞ ոչ, քանի որ նոր սարքեր են ստացել, բայց եթե անհրաժեշտություն առաջանա, ապա կօգտագործվեն։
Նախարարին հարցրինք նաև, թե որքա՞ն գումար է ծախսվել կորոնավիրուսի դեմ պայքարի համար բացված հաշվեհամարից և ինչ նպատակով։ Թորոսյանն ասաց, որ չգիտի, թե որքան է ծախսվել, սակայն վստահեցրեց, որ ծախսվել են կորոնավիրուսի դեմ պայքարի նպատակով։
Կարծիքներ