Մինչև Վրաստանի շրջանները չազատվեն օկուպացիայից, Ռուսաստանը հակամարտության կողմ է 

Հրապարակի զրուցակիցը վրացի քաղաքագետ Գելա Վասաձեն է:

-Վրաստանի վարչապետ Իրակլի Կոբախիձեն հայտարարել է, որ Աբխազիայի և Հարավային Օսիայի վերամիավորումը իրականություն է։ Նա կարծում էր, որ դա հնարավոր է, եթե վրաց ժողովուրդը համբերատարություն ցուցաբերի, և պետությունն իր քաղաքականության մեջ կառաջնորդվի այդ համբերատարությամբ և ճիշտ քաղաքականությամբ։ Աբխազիայի պատասխանը միանշանակ էր. մենք անկախ պետություն ենք, որը կոչ է անում Թբիլիսիին կառուցողական երկխոսության և փոխզիջումների որոնման։ Օսեթիայում վաղուց են խոսում Ռուսաստանի հետ միավորման հեռանկարների մասին։

-Այն իրականություն կդառնա, երբ դա տեղի ունենա։ Կա մի լավ արևելյան ասացվածք՝ որքան էլ հալվա ասես, բերանդ քաղցր չի դառնա։ Ափսոս, որ մեր վարչապետը մոռացել է նրա մասին։

-Կոբախիձեն այս նուրբ թեմային անդրադարձել է նաև անցյալ աշնանը՝ ելույթ ունենալով ՄԱԿ-ի Գլխավոր ասամբլեայի նստաշրջանում։ Նա ասաց, որ Վրաստանը հույս ունի «վերականգնել Ցխինվալիի և Սուխումիի հետ կապված բոլոր ավերված կամուրջները»։ Իշխող «Վրացական երազանք» կուսակցության հիմնադիր նախագահ Բիձինա Իվանիշվիլին նույնպես խոստովանեց, որ երկիրը «գտնի իր մեջ ուժ» ներողություն խնդրելու Հարավային Օսիայի հետ 2008 թվականի պատերազմի համար։

-Բայց սա ակնհայտորեն Ռուսաստանի օգտին խաղ է։ Նրանք ուզում են հաճոյանալ Մոսկվային։ Դե, մեզանից յուրաքանչյուրը կրում է պատմական պատասխանատվության իր սեփական բեռը։ Եվ կրկին ստիպված ենք ափսոսանք հայտնել մեր ներկայիս իշխանությունների մոռացկոտության համար։

-Միջազգային հանրությունը փաստացի աջակցում է Վրաստանի ինքնիշխանությանը և տարածքային ամբողջականությանը, ներառյալ Հարավային Օսիան և Աբխազիան։ Նրանք շարունակում են կոչ անել Ռուսաստանին չեղյալ համարել Վրաստանի տարածքների ճանաչումը որպես անկախ պետություն։ Արդյո՞ք Արևմուտքի, և հատկապես Թրամփի վարչակազմի կողմից այս բանակցությունները կունենան գործնական հետևանքներ։

-Աջակցում է ինչպես դե ֆակտո, այնպես էլ դե յուրե: Ես որևէ պատճառ չեմ տեսնում, թե ինչու կարող է այս դիրքորոշումը փոխվել։

-Ռուսաստանի դիրքորոշումը նույնպես հայտնի է. եթե բոլոր կողմերը հետաքրքրված են հարաբերությունների կարգավորմամբ և «չհարձակման մասին համաձայնագրերի ապահովմամբ», Մոսկվան պատրաստ է աջակցություն ցուցաբերել։ Տպավորություն է ստեղծվում, որ խոսքը միավորման մասին չէ, այլ խաղաղության հաստատման և անկախ կազմավորումների միջև հավասար հարաբերություններ կառուցելու մասին։

-Ռուսաստանի դիրքորոշումը օկուպացիոն երկրի դիրքորոշում է, հետևաբար, մինչև Վրաստանի այս շրջանները չազատվեն օկուպացիայից, Ռուսաստանը հակամարտության կողմ է և Վրաստանին հակառակվող միակ կողմը։