Դատարանը մերժել է Մեխակ Հարությունյանի նկատմամբ ընտրված խափանման միջոցը վերացնելու կամ փոփոխելու միջնորդությունը
Գեղարքունիքի մարզի ընդհանուր իրավասության առաջին ատյանի դատարանում փետրվարի 8-ին կշարունակվի քրեական գործն ըստ մեղադրանքի՝ Մեխակ Հարությունյանի ՀՀ քրեական օրենսգրքի 104-րդ հոդվածի 1-ին մասով և 235-րդ հոդվածի 1-ին մասով:
Նշենք, որ այս քրեական գործով ամբաստանյալ Մեխակ Հարությունյանի պաշտպան Ռուստամ Խաչատրյանը միջնորդություն էր ներկայացրել Մեխակ Հարությունյանի նկատմամբ ընտրված խափանման միջոցը վերացնելու կամ փոփոխելու մասին, սակայն դատարան միջնորդությունը մերժել է:
Հիշեցնենք, որ Մեխակ Հարությունյանին մեղադրանք է առաջադրվել այն բանի համար, որ նա ապօրինի կերպով ձեռք է բերել, պահել և կրել է ռազմամթերք հանդիսացող 48 ատրճանակային փամփուշտներ և գործարանային արտադրության մարտական ակոսափող հրազեն հանդիսացող 9մմ տրամաչափի ԻԲ 6528 համարի Մակարով տեսակի ատրճանակ, որից արձակված 7 կրակոցներով 2017թ. հունվարի 07-ին, ժամը 12.20-ի սահմաններում սպանել է համագյուղացի՝ ՀՀ Գեղարքունիքի մարզի Նորատուս գյուղի բնակիչ Հայկ Անդրանիկի Հակոբյանին:
Դատարանն անցել է վկաների հարցաքննման փուլ, այս մասին մեզ ասաց Հայկ Հակոբյանի իրավահաջորդի ներկայացուցիչ Հովսեփ Սարգսյանը: Ըստ Սարգսյանի՝ դատական նիստերը դռնբաց են, եւ հանգիստ են ընթանում. «Համեմտած դռնփակ նիստերի, ավելի խաղաղ են ընթանում դատական նիստերը: Դատարանը երբ, որ որոշում կայացրեց դռնփակ նիստ անելու համար պատճառաբանեց, որ դա արվում է ամբաստանյալի անվտանգությունից ելնելով՝ դրանով ավելորդ լարվածութուն ստեղծեց: Նոր դատավորը նշանակվեց, իհարկե պաշտպանական կողմը նորից միջնորդություն արեց, որ դռնփակ նիստեր անցկացնել, մենք առարկեցինք, որովհետեւ գտնում ենք, որ հանրությունը ունի այդ իրավունքը, տեղեկացված լիելու, որ ի՞նչ է կատարվել, եւ ինչո՞ւ է կատարվել: Չկար հանրության շահը գերակայող իրավիճակ, որ նիստերը դռնփակ անցկացվի: Եթե անվտագության տեսանկյունից նայում ենք ամբաստանյալի անվտագությունը 25 –ից ավելի ոտիկաններ են ապահովում: Կողմերի հարազաներից աշխատում են չներկայանալ դատական նիստերին՝ ավելորդ լարվածությունից խուսափելու համար: Որպես տուժող իրավահաջորդի կողմ հասկանում են մենք, որ դռնբաց դատարվարությամբ պետք է գործը քննվի, գտնում ենք, որ իրավաբանական որակումն է սխալ, ավելի ծանր հոդվածով պետք է դատապարտվի՝ 104 հոդվածի 2-րդ մասով, բայց մեղադրանք է առաջադրված 104 հոդվածի 1-ին մասով, որովհետեւ շարժառիթի իմաստով մենք գտնում ենք, որ ավելի քան խուլիգանական դրդումներով է եղել»:
Հովսեփ Սարգսյանի խոսքով՝ վկաները չեն ներկայանում դատարան, դատարանն էլ՝ բերման որոշում է կայացրել, ծանուցում ուղարկվել վկաներին:
-Պարո´ն Սարգյան, 1 տարի եւ ավելի շարունակվում է դատավարությունը Հակոբյանների եւ Հարությունյանների ընտանիքների միջեւ նախկինում լարվածություն եղե՞լ է:
Քրեական գործի դատական վարույթով պայմանավորված փաստական հանգամանքներ ձեռք չեն բերվել լարվածության վերաբերյալ: Կոնկրետ Մեխակ Հարությունյանի եւ Հայկ Հակոբյանի միջեւ լարվածություն չի եղել, այս պահի դրությամբ դրա մասին հայտնի պատճառներ չկան:
-Կարծում եք նախօրոք ծրագրած սպանությո՞ւն է եղել:
Որպես իրավաբան ես գտնում եմ, որ ընդանրապես սպանությունները կատարվում են դիտավորությամբ: Դիտավորությունը նախատեսում է որոշակի գործողությունների նախապատրաստական շրջան, զենքի ձեռք բերում, կրում եւ այլն: Այս պարագայում մենք ունենք դեպքի վայր, ունենք մեքենաներով դեմ առ դեմ հանդիպում, եւ մի քանի կրակոցներով դիմահար սպանության: Ինքանո՞վ է սա ծրագրված կամ պլանավորված եղել, այս հարցի պատասխանը կարծում են գործի դատաքննության արդյունքներով կտրվի, առավել եւս, որ իրենք ընկերներ չեն եղել, ընդամենը եղել են համագյուղացիներ, մեկը՝ 28 տարեկան էր, մյուսը՝ 20: Ոնց կարո՞ղ է բանակում չծառայած 20 տարեկան երիտասարդը լավ տիրապետել զենքին: Ամբաստանյալը չի ծառայել, ըստ գործի տվյալների՝ 2016թ փետրվարի 19-ին քննչական կոմիտեի 5-րդ կայազորային բաժնում քրեական գործ է հարուցված եղել Մեխակ Հարությունյանի ժամկետային պարտադիր զինծառայությանից 2016 ձմեռային զորակոչից խուսափելու դեպքի վերաբերյալ, քրեական գործի քննություն է կատարվել, եւ քրեական գործի վարույթը կարճվել է: 08.02. 2016 Գավառի զինկոմիսարի կողմից տրված գրության համաձայն՝ Մեխակ Հարությունյանը 2013թ. անցել է կցագրում, եւ ճանաչվել է պիտանի զինվորական ծառայության համար: 2015թ.- նոյեմբերի 4-ին Գավառի զորակոչային հանձնաժողովի որոշմամբ ուղարկվել է բժշկական հետազոտման եւ կայացվել է որոշում, որ կարիք ունի 1 տարի ժամկետով բուժման: 2016թ-ին տարեկետում են տվել Հարությունյանին, իսկ 2017թ.-ի հունվարին տեղի ունեցավ այդ չարաբաստիկ սպանությունը: Դատավարության խոչընդոտներ չկան, եւ հավատում ենք երկրի արդարադատությանը, որ հավուր պատշաճի քննություն կկատարվի ե´ւ բովանդակային իմաստով համաչափ, օրինաչափ եւ իրավաչափ պատիժ կնշանակի: Ցանկացած սպանություն պետք է ունենա շարժառիթ, չկա այդ շառժառիթը: Էնտեղ ինչ-որ պատմություն են առաջ բերում, թե դրա նախորդ օրը Հայկ Հակոբյանը դիտողություն է արել Մեխակին մեքենան վատ վարելու համար, նվաստացրել է, այս հանգամանք են փորձում շահարկել:
Մեխակ Հարությունյանի պաշտպան Ռուստամ Խաչատրյան մեզ հետ զրույցում ասաց, որ այս պահին անվտանգության խնդիր չի տեսնում, 2 դատավարություն է ընթանում, մեկում Մեխակ Հարությունյանը, որպես տուժող է հանդես գալիս, մյուսում՝ ամբաստանյալ. «Դատական նիստերին խոչընդոտներ չկան, մեկ դատական նիստ արդեն կայացել է, ամեն ինչ նորմալ է, 1 վկա արդեն հարցաքննվել է, ամսի 8-ին 2-րդ դատավարություն է: Դատական նիստերը ձգձգվեց, խառնաշփոթ իրավիճակ էր, հարձակումներ տարբեր կողմերից, իսկ հիմա նորմալ է ամեն ինչ»:
Մեր այն հարցին, թե ինչն է եղել դրդապատճառը, որ Մեխակ Հարությունյանը սպանել է Հայկ Հակոբյանին. Խաչատրյանը պատասխանեց. «Նախապես Հայկ Հակոբյանը զգուշացրել էր Մեխակին, եթե մեկ անգամ էլ մեքենան էդ ձեւի քշել ա Գավառում կամ Նորատուսում, մինչեւ անգամ ասել ա. «Չգիտեմ քո հետ ինչ կլինի»: Ամսի 7-ի օրը ըստ Մեխակ Հարությունյանի պատմածի՝ փաստորեն փորձ է արել, որը մենք պետք է ներկայացնենք, ատրճանակը պահել է Մեխակ Հարությունյանի վրա, նա էլ իր մոտ գտնվող զենքով կրակել ա : Իսկ զենքը ըստ Մեխակի պատմածի՝ գտելա»:
Խաչատրյանից հետքաքրվեցինք արդյո՞ք, ամբաստանյալը խուսափել է պարտադիր զինվորական ծառայությունից, քրեական գործ հարուցվել, ապա կարճվել. «Դա սխալ ինֆորմացիա է, դա չի համապատասխանում ճշմարտությանը, տարեկետման մեջ է, ոչ մի քրեական գործ չի եղել: Դատարանի կողմից հարցում է կատարվել եւ ստացել է նամակ, որ Մեխակ Հարությունյանը տարեկետման մեջ է եղել այդ դեպքը տեղի է ունեցել»:
Կարծիքներ