«Ռուզանին բերել ենք, որ Ձեր համար տանջվի, մի բան սարքի». գործարարը՝ վարչապետին (տեսանյութ)
Վարչապետ Նիկոլ Փաշինյանն այսօր «Իմ քայլը հանուն Կոտայքի մարզի» ցուցահանդեսի ժամանակ «Ակվա գրուպ» ՍՊԸ-ի տաղավարում առաջարկեցին համտեսել «Ակվա Արմենիա» ընկերության արտադրած տոնիկով լիմոնադ: Վարչապետը, սակայն, հրաժարվեց հյուրասիրությունից՝ խոստանալով մի ուրիշ անգամ փորձել: Նա, առհասարակ, այսօր որոշել էր որևէ տաղավարում որևէ բան չհամտեսել՝ մերժելով բոլոր հյուրասիրությունները:
Տեսնելով, որ Փաշինյանը հրաժարվում է իրենց հյուրասիրությունից, «Ակվա Արմենիա» ընկերության տնօրեն Դավիթ Ներսիսյանն ասաց. «Ռուզանին բերել ենք, որ Ձեր համար տանջվի, մի բան սարքի, ո՞նց կլինի տենց, Անին էլ խառնվել էր իրար»:
Հյուրասիրությունից չօգտվեց, իհարկե, վարչապետը, բայց ընկերության աշխատակիցնեըը նրա համար նվեր էին պատրաստել, որն ընդունեց:
Կարծիքներ