Կձևավորվի՞ արդյոք կոալիցիա
Խորհրդարանական եւ արտախորհրդարանական ուժերը պատրաստվում են իշխանության դեմ գրոհի։ Իշխանությունն էլ ձեռքերը ծալած նստած չէ՝ մտմտում են, թե ինչպես ամրացնեն իրենց դիրքերը։ Խոսակցություններ կան, որ հնարավոր է ԲՀԿ-ի եւ «Լուսավոր Հայաստանի» հետ կոալիցիա կազմեն:
ԼՀ ներկայացուցիչ Դավիթ Խաժակյանին հարցրինք` եթե նման առաջարկ լինի, կհամաձայնե՞ք։ «Մենք բազմաթիվ տարաձայնություններ ունենք՝ կառավարության գործունեությանն առնչվող, ինչն էլ բարձրաձայն արտահայտում ենք»: Բայց երբեմն էլ համաձայնություն եք հնչեցնում, բացառո՞ւմ եք, որ կուսղեկավարների մակարդակով ինչ-ինչ բանակցություններ ընթանան այդ ուղղությամբ։ «Որ պահին կուսակցության ղեկավարը բանակցի, մենք դրա մասին կիմանանք՝ նախքան բանակցությունների մեկնարկը»: Կարող ենք միանշանակ ֆիքսել` դեմ եք։ «Երկրորդում եմ` նման քննարկումներ չկան»: Եթե լինի՞։ «Կմտածենք»:
Նույն հարցն ուղղեցինք ԲՀԿ պատգամավոր Գեւորգ Պետրոսյանին։ «Կոալիցիա կազմելը մեկ անձի որոշելիք չէ. նման հարց մեզ մոտ չի քննարկվում»: Ձեր անձնական մոտեցումը։ «Ես անձնական որոշում չունեմ՝ կլինի նման խոսակցություն, կուսակցության ղեկավարի գլխավորությամբ կորոշենք»: Ի դեպ, նախորդ օրը Գագիկ Ծառուկյանն ասել էր. «Մենք վարչապետի հետ կոալիցիա չենք, որ տնտեսական հեղափոխության հարցը քննարկենք իր հետ»:
Կարծիքներ