Զոհվել է շուրջ 41 հազար մարդ. արյունալի թվեր՝ Գազայից 

Գազայի հատվածում իսրայելական հարձակումների հետևանքով զոհված պաղեստինցիների թիվը հասել է 40 972-ի, ասվում է Գազայի հատվածում Պաղեստինի առողջապահության նախարարության հայտարարության մեջ։ Ընդամենը վերջին 24 ժամում իսրայելական բանակը երեք զանգվածային սպանություն է իրականացրել Գազայի տարբեր հատվածներում՝ սպանելով էքսկլավի 33 բնակիչների։ Բացի այդ, ևս 145 մարդ վիրավորվել է, ասվում է հաղորդագրության մեջ։

Այսպիսով, հակամարտության 333 օրվա ընթացքում վիրավորների ընդհանուր թիվը հասել է 94761-ի։

ՀԳ Այլ աղբյուրներ հաղորդում են, որ 41 հազար թիվը վերաբերում է ուղղակի զոհերին, որի մեջ ներառված չէ անուղղակի զոհերի թիվը, այսինքն՝ շենքերի փլատակների տակ մնացած, անհետ կորած, սովից, վարակներից մահացած այլ մարդկանց։ Բրիտանական հայտնի պարբերական The Lancet -ի համաձայն, զոհերի թիվը Գազայում գերազանցում է 182.000-ը, իսկ համաձայն ամերիկացի հայտնի քաղաքագետ Պրոֆեսոր Միրշհայմերի, Judging Freedom յություբյան ալիքում արված հայտարարության, զոհերի իրական թիվը գերազանցում է 200.000-ը։