Ալիեւը չեղարկեց թավշիստների` «Հոռոմ տատու» հեքիաթները

Բազմաթիվ անգամներ նշել ենք, որ Հայաստանի բնակչության մեծամասնությունը (հենց բնակչությունը, այլ ոչ թե ազգերը) պարզապես հրաժարվում է ընկալել այն սպառնալիքի մակարդակը, որը ստեղծել է փաշինյանական  իշխանության նվաստացուցիչ զիջումների և Հայաստանի  շահերի ուղղակի ոտնահարման  քաղաքականությունը` անվանելով այդ հակահայկական աբսուրդի քաղաքականությունը «խաղաղության օրակարգ»։

Եվ հիմա, նախքան կարդալը, պարզապես հարցրեք ինքներդ ձեզ, թե մենք բոլորս համաձա՞յն ենք հայրենազրկվել:
Սա հուզական պնդում չէ, սա ուղղակի այն իրականությունն է, որը մենք համառորեն հրաժավում ենք ընդունել։

Որպես հերթական ապացույց ծանոթացեք ռազմական հանցագործ, այս իշխանության «բանակցային գործընկեր» Ալիևի հերթական հայտարարությանը, որը նա արել է Ադրբեջանի խորհրդարանի առջև իր ունեցած ելույթի ժամանակ 23.09.2024-ին։
Եւ այսպես, Ալիևը հայտարարում է, որ.

Հայաստանը խաղաղության օրակարգն օգտագործում է զենք գնելու համար և անվճար զենք ստանում Ֆրանսիայից։ Ուստի իր խոսքերով դա լուրջ խնդիր է։ 

Այնուհետև պնդում է, որ նրանք, ովքեր զինում են Հայաստանին, պետք է իմանան, որ իրենք ուղղակի պատասխանատվություն են կրելու այն իրադարձությունների համար, որոնք տեղի են ունենալու այսուհետ (այսինքն, պատերազմ): 

Հետո Ալիևը կրկին հայտարարում է, որ իրենց  նկատմամբ իբր պաշտոնական տարածքային պահանջները պետք է դադարեցվեն, ՀՀ Սահմանադրությունը պետք է փոխվի, Իսկ Մինսկի խումբը պետք է վերացվի։ 

Հիշեցնեմ, որ ֆաշիստ Ալիևի այս հայտարարությունն, ըստ էության, չեղարկեց թավշիստների բոլոր «Հոռոմ տատու» հեքիաթները խաղաղության օրակարգի մասով և փաստորեն ազդարարեց Հայաստանի ուղղությամբ նոր սպառնալիքների գեներացման փուլի մեկնարկը։

Իսկ բոլոր նրանք, ովքեր շարունակում են «քաղաքականությամբ չզբաղվել», որպես սփոփանք թող կանգնեն հայելու առջև և սկսեն կրկին պատմել «ղարաբաղցիների, նախկին կաշառակերների և վատ ռուսների» մասին ինքնասպան բարբաջանքները։

Ասում են` օգնում է նյարդերը հանգստացնել։

Արման Աբովյան