Թեհրանում գնահատել են ԱՄՆ հետ բանակցությունների չորրորդ ռաունդը 

Իրանի ԱԳ նախարար Աբաս Արաղչին, ԱՄՆ ներկայացուցիչների հետ Օմանում անցյալ հանգստյան օրերին միջուկային ծրագրի հարցով ունեցած բանակցություններից հետո որոշ գնահատականներ է հնչեցրել։ Didar News-ի փոխանցմամբ՝ Իսլամական Հանրապետության դիվանագիտական գերատեսչության ղեկավարը ասել է, որ բանակցությունների ընթացքում Թեհրանի եւ Վաշինգտոնի տեսակետները բավականին մոտեցել են։

Նա մանրամասնել է նաեւ, որ բանակցային չորրորդ ռաունդն ավելի դետալային էր։ Թեհրանն ու Վաշինգտոնը քննարկել են թեմաներ, որոնց առնչությամբ կողմերի տեսակետները չեն համընկնում եւ նրանց հաջողվել է ավելի լավ հասկանալ մեկմեկու։ «Կարելի է ասել, որ բանակցություններում առաջընթաց կա»,- ամփոփել է նախարար Արաղչին։