Բոլոր տնտեսվարողների գործունեությունը արգելվեց, բացի «առցանցներից», ավտոմատներ սպասարկողներից ու թաղման բյուրոներից
Երեկ պարետի հրամանով արգելվեց առևտրի կենտրոնների, բարերի, ռեստորանների, սրճարանների, վիճակախաղերի և խաղատների՝ մոտ 127 ձեռնարկությունների գործունեությունը:
Քիչ առաջ այդ փաստաթուղթն ուժը կորցրած ճանաչվեց: Պարետ Տիգրան Ավինյանը նոր հրաման արձակեց, որով մինչև 2020 թվականի մարտի 31-ը ՀՀ ամբողջ տարածքում արգելվում է տնտեսական գործունեությամբ զբաղվելը:
Բացառություն է արվում պարենային ապրանքների, մանրածախ վաճառքի իրականացման առեւտրի օբյեկտների, դեղատների, գյուղատնտեսական արտադրանքի շուկաների համար, նաեւ տնտեսական գործունեության այն տեսակների համար, որոնք իրականացվում են բացառապես հեռավար/առցանց եղանակով, սննդի առաքման ծառայությունների, կորոնավիրուսային հիվանդության տարածման կանխարգելման աշխատանքներում ներգրավված ծառայությունների, մետաղադրամի միջոցով գործարկվող լուսանկարչական ավտոմատների, կշեռքների, ճնշման չափման սարքվածքների, պահախցերի, այլ ինքնասպասարկման ավտոմատների ծառայությունների, թաղման բյուրոյի համար:
Կարծիքներ