Բոսնիացի գեներալը դատապարտվել է ռազմական հանցագործությունների համար

Բոսնիայի և Հերցեգովինայի Դաշնության պաշտպանության նախկին նախարարի տեղակալ, բրիգադային գեներալ Սակիբ Մահմուլջինին Սարաեւոյի դատարանը մեղավոր է ճանաչել 1992-95 թվականների հակամարտության ընթացքում Վոզուցա և Զավիդովիչի շրջանում ավելի քան 50 սերբ ռազմագերու մահվան պատասխանատվության մեջ:

Գրել է (22.01.2021) եվրոպական «Եվրանյուզ» կայքը։

Բոսնիա-Հերցեգովինայի դատարանը նշել է, որ պատերազմի ժամանակ Բոսնիական բանակի երրորդ կորպուսի հրամանատարը ոչինչ չի ձեռնարկել Էլ Մոջահեդինի իսլամ կամավոր մարտիկների կողմից կատարված հանցագործությունները կանխելու համար:

Մահմուլջինն իրեն մեղավոր չէր ճանաչել, և նրա փաստաբանները պնդում էին, որ նա իրական հրամանատարություն չուներ զորամիավորման նկատմամբ: Բրիգադային գեներալը դատապարտվել է 10 տարվա ազատազրկման, բայց կարող է բողոքարկել վճիռը։

Մեղադրական եզրակացության մեջ ասվում է, որ «Էլ Մոջահեդին»-ի անդամների թվում են օտարերկրյա ջիհադիստներ աֆրիկյան երկրներից, Մերձավոր Արևելքից և նույնիսկ որոշ արևմտյան պետություններից: Պարզվել է, որ ուժերը սպանել են առնվազն 55 բանտարկված բոսնիացի սերբ զինվորների 1995 թվականի հուլիսից սեպտեմբեր ընկած ժամանակահատվածում կենտրոնական Բոսնիայում։

Դատարանի հայտարարության մեջ ասվում է, որ Մահմուլջինին «չի հաջողվել կանխել սպանությունների և անմարդկային վերաբերմունքն իրագործելուց» և «ապահովել, որ այդ հանցագործությունները կատարողները պատժվեն»։

Նա նաև մեղավոր է ճանաչվել իր ղեկավար պաշտոնում, մի քանի քաղաքացիական անձանց խոշտանգելու և ռազմագերիներ վիրավորելու մեջ: 

Դատավճիռը քչերից մեկն է, որին ներգրավված են Բոսնիայի մահմեդական ուժերի նախկին բարձրաստիճան զինվորականներ:

Մոտ 100 հազար մարդ է զոհվել Բոսնիայի պատերազմի ընթացքում, որը սկսվել էր այն ժամանակ, երբ բոսնիացիների գլխավորած կառավարությունը անկախություն հայտարարեց սերբերի գլխավորած Հարավսլավիայից՝ ապստամբություն առաջացնելով: Հակամարտությունն ավարտվել է 1995 թվականին Ամերիկայի Միացյալ Նահանգների միջնորդությամբ կնքված խաղաղության համաձայնագրով: