Այսօր Ստեփանակերտում հրդեհի ևս մեկ դեպք է գրանցվել
ԱԻ պետական ծառայության ճգնաժամային կառավարման կենտրոնում գրանցվել է հրդեհի մասին հերթական ահազանգը։
Մ.Մաշտոց 4 հասցեի բազմաբնակարան շենքի տներից մեկում հրդեհը բռնկվել է էլեկտրական տաքացուցիչ համակարգի կարճ միացումից։
Դեպքի վայր է մեկնել հրշեջ փրկարարական մեկ մարտական հաշվարկ և ձեռքի միջոցներով մարել կրակը։
Հրդեհի պատճառով մասնակի վնասվել է հյուրասենյակի հատակը, ինչպես նաև գույքը։
Տուժածներ չկան։
Հարգելի հայրենակիցնե՛ր
ԱԻ պետական ծառայությունը հիշեցնում է. Ցանկացած իրավիճակում անվտանգության կանոնների պահպանումը և արտակարգ դեպքի ռիսկի կանխումը մարդկային կյանքերի փրկության ու առողջության պահպանման գրավականն է։
Կարծիքներ