Նիկոլ Փաշինյանը պաշտոնյային զրկել է շնորհված շնորհակալագրից

Վարչապետ Նիկոլ Փաշինյանը սեպտեմբերի 18-ին որոշում էր ստորագրել, որով պարգևատրումներ էր արել։

Վարչապետի շնորհակալագրով խրախուսվել էին մի շարք պաշտոնատար անձինք, այդ թվում՝ վարչապետի աշխատակազմի տեսչական մարմինների աշխատանքների համակարգման գրասենյակի ղեկավար Արթուր Ասոյանը։

Այսօր՝ սեպտեմբերի 24-ին, Նիկոլ Փաշինյանը նոր որոշում է ստորագրել, որով Ասոյանի անունը հանվել է պարգևատրվողների ցանկից։

Ինչպես երևում է, Նիկոլ Փաշինյանը գոհ չէ տեսչական մարմինների աշխատանքից։ Այսօր նրա մոտ քննարկվել էր Սննդամթերքի անվտանգության և Բնապահպանության և ընդերքի տեսչական մարմինների՝ 2019թ. գործունության և 2020թ. առաջին 8 ամսվա աշխատանքների հաշվետվությունը, որից ժամեր անց պաշտոնանկ էր արվել Սննդամթերքի անվտանգության տեսչական մարմնի ղեկավարը, Գեորգի Ավետիսյանը։