Փաշինյանն իր խորհրդականին Մեղրի է գործուղել

Վարչապետի խորհրդական Արտաշես Թումանյանը գործուղվել է Սյունիքի մարզի Մեղրի քաղաք։ «Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասով՝ 1. Վարչապետի խորհրդական Արտաշես Թումանյանին 2022 թվականի հունվարի 14-17-ը ներառյալ գործուղել Հայաստանի Հանրապետության Սյունիքի մարզ (քաղաք՝ Մեղրի):

2. Արտաշես Թումանյանի՝ Հայաստանի Հանրապետության Սյունիքի մարզ (քաղաք՝ Մեղրի) գործուղման հետ կապված ծախսերը կատարել Հայաստանի Հանրապետության 2022 թվականի պետական բյուջեով նախատեսված Հայաստանի Հանրապետության վարչապետի աշխատակազմի պահպանման ծախսերում ներքին գործուղումների համար նախատեսված միջոցների հաշվին»,- ասվում է որոշման մեջ։

Մեկ այլ որոշմամբ էլ Թումանյանը կղեկավարի ՀՀ երկաթուղու Երասխ-Ադրբեջանի Հանրապետության սահման և Մեղրիի հատվածների վերականգնման ծրագրի աշխատանքային խմբի ղեկավար, խումբը ստեղծվել է օրերս: 

Աշխատանքային խմբում ներգրավված են նաև ՏԿԵ փոխնախարարը, ՀՀ վարչապետի աշխատակազմի ղեկավարի տեղակալը և այլք։