Ռոգոզինն ԱՄՆ ՊՆ ղեկավարին համեմատել է «կապիկի» հետ

Ռոսկոսմոս-ի նախկին ղեկավար Դմիտրի Ռոգոզինը ԱՄՆ-ի պաշտպանության նախարար Լլոյդ Օսթինին, ով սեւամորթ է, համեմատել է կապիկի հետ։ 

Նա երկու լուսանկար է հրապարակել X սոցիալական ցանցի իր անգլալեզու էջում՝ մեկը պատկերում է գորիլայի կողքին լուսանկարված պիգմեններին, մյուսում՝ Օսթինն է՝ շրջապատված Ուկրաինայի նախագահ Վլադիմիր Զելենսկիով և պաշտպանության նախարար Ռուստեմ Ումերովով։

«Մինչև իր հիվանդությունը ԱՄՆ պաշտպանության նախարար Լլոյդ Օսթինը շատ էր սիրում լուսանկարվել պիգմենների հետ», - գրել է նա։ Այնուհետ, Ռոգոզինը գրել է․

«Որոշ ինտերնացիոնալիստ քաղաքացիներ շատ հուզվեցին, թե ինչու ԱՄՆ պաշտպանության նախարարին իբր կապիկ եմ անվանել։ Որպեսզի կասկած չլինի։ Օսթինը, Բայդենը, Շոլցը և Ռուսաստանի մյուս թշնամիները կեղտոտ ավազակ կապիկներ են: Պատերազմական հանցագործներ»,- ասել է Ռոսկոսմոսի նախկին ղեկավարը։