Ինչպե՞ս կարձագանքի Մոսկվան, եթե ՀՀ-ն հրաժարվի ռուսական ռազմակայանից
![Ինչպե՞ս կարձագանքի Մոսկվան, եթե ՀՀ-ն հրաժարվի ռուսական ռազմակայանից](https://hraparak.am/uploads/images/2023/10/image_750x_651d5a87c867d.jpg)
Հայաստանում ռուսական ռազմակայանի տեղակայման հարցում Մոսկվան առաջնորդվում է համապատասխան պայմանավորվածություններից։ Այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով հարցին, թե ռուսական կողմը Երեւանից բացասական քայլեր ակնկալո՞ւմ է Հայաստանում ռուսական ռազմակայանի ապագայի վերաբերյալ։
Զախարովան նշել է, որ կոնկրետ քայլերը կոնկրետ պատասխան կունենան։
«Մենք կոնկրետ կարձագանքենք, իսկ վերլուծաբանները կենթադրեն, թե ինչ կարող է լինել։ Մենք տրամադրում ենք մեկնաբանություններ ընթացիկ իրադարձությունների վերաբերյալ, որոնք արդեն տեղի են ունեցել կամ այնպիսիք, որոնք անպայման տեղի կունենան: Եթե խոսում ենք Ռուսաստանի դիրքորոշման մասին, ապա դա արձանագրված է համապատասխան փաստաթղթերում, այն օրինականորեն ձեւակերպված է»,- նշել է Զախարովան։
Կարծիքներ