Ողջունում ենք Հայաստանի եւ Ադրբեջանի միջեւ ուղիղ երկխոսության վերականգնումը․ ԱՄՆ Պետքարտուղար

ԱՄՆ Պետքարտուղար Էնթոնի Բլինկենը հայտարարել է, որ Միացյալ Նահանգները ողջունում է Հարավային Կովկասում Հայաստանի եւ Ադրբեջանի միջեւ ուղիղ երկխոսության վերականգնումը։ Այս մասին նա ասել է Ստոկհոլմում ընթացող ԵԱՀԿ ԱԳ նախարարների խորհրդի նիստի ժամանակ։

Նա նաեւ հայտարարել է, որ վերստին վճռականորեն հորդորում է կողմերին հասնել առաջընթացի հումանիտար հարցերում։ Բլինկենը ասել է, որ պետք է շարունակել աշխատել Ռուսաստանի հետ՝ առաջընթաց ունենալու համար, եւ նաեւ կոչ է արել շարունակել կողմերին աշխատել Ռուսաստանի հետ՝ չլուծված հարցերը կարգավորելու համար, ինչպիսիք են օրինակ տնտեսական եւ տրանսպորտային կոմունիկացիաների ապաշրջափակումը, սահմանների դելիմիտացիան եւ դեմարկացիան։ Նա նաեւ ասել է, որ պետք է շարունակել համագործակցությունը ԵԱՀԿ ՄԽ համանախագահության հետ՝ հանուն ռեգիոնում ամուր խաղաղության հաստատման։