Բախումների հետևանքով 200 մարդ է տուժել, այդ թվում՝ ոստիկաններ
Hraparak
26 Մարտ 2023 | 19:00
0
Առնվազն 200 մարդ տուժել է շաբաթ օրը Ֆրանսիայի արևմտյան Սենտ-Սոլին կոմունայում տեղի ունեցած անկարգությունների ժամանակ, հայտնում է BFMTV-ն։
Այդ մասին լրագրողներին պատմել են բողոքի ակցիայի կազմակերպիչները։
Ֆրանսիայի իրավապահ մարմինների տվյալներով՝ անկարգությունների ժամանակ տուժել է նաև ավելի քան 35 ոստիկան։
Շաբաթ օրը տեղի է ունեցել հանրահավաք, որի ժամանակ բնապահպան ակտիվիստները կոչ են արել ավելի քան 150 կազմակերպությունների և կուսակցությունների հանդես գալ Սենտ-Սոլինում ջրամբարի կառուցման դեմ։
Շուտով ցույցը վերաճել է ցուցարարների և ոստիկանների միջև դաժան բախումների։
Հատկանշական է, որ Ֆրանսիայում վերջին օրերին տեղի են ունենում համազգային բողոքի ցույցեր նաև կենսաթոշակային բարեփոխումների օրենքի դեմ։
Կարծիքներ