«Հրապարակի» աղբյուրների համաձայն՝ այսօր ժամը 16։00-ին նախագահական նստավայրում՝ Բաղրամյան 26-ում, նախագահ Արմեն Սարգսյանը հանդիպելու է Լեռնային Ղարաբաղում ռուս խաղաղապահ զորախմբի հրամատար, գեներալ-լեյտենանտ Ռուստամ Մուրադովի հետ։
Հանդիպումը եռակողմ է լինելու, որպես երրորդ կողմ մասնակցելու է նաև Արցախի նախագահի հատուկ հանձնարարությունների գծով ներկայացուցիչ Բորիս Ավագյանը։
Քննարկվելու են գերիների վերադարձի և պետական սահմանների դեմարկացիայի, ստեղծված իրավիճակի վերաբերյալ հարցերը։
Հիշեցնենք, որ Արմեն Սարգսյանը դեռ հունվարին Միացյալ Թագավորությունում վարակվել էր կորոնավիրուսով և երկարատև բուժում էր ստանում այնտեղ, այնուհետև՝ Հայաստանում։
Ենթադրվում է, որ նախագահը վերադարձել բնականոն աշխատանքի կորոնավիրուսից վերջնական բուժվելուց հետո։ Առաջին հանդիպումներից մեկն էլ Մուրադովի հետ է։
