ՀՀ-ում խոսում են ՀԱՊԿ-ից դուրս գալու մասին, իսկ ինչպե՞ս են տեսնում մուտք գործելը․ ՌԴ ԱԳՆ

Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան մեկնաբանել է Հավաքական անվտանգության պայմանագրի կազմակերպության (ՀԱՊԿ) Հայաստանից դուրս գալու մասին հայտարարությունները։

«Բառացիորեն վերջերս պաշտոնական ներկայացուցչի առաջին շուրթերից, բարձր մակարդակով՝ Հայաստանի արտաքին գործերի նախարարից (Արարատ Միրզոյան - խմբ.) ուղիղ խոսք հնչեց այն մասին, թե իրենք (Հայաստանը - խմբ.) ինչ են մտածում ՀԱՊԿ-ի մասին։

Սա պաշտոնական դիրքորոշում է, մարդն իրավասու է նման հայտարարություններ անելու, հաստատվեց, որ մշակվում է Հայաստանում ՀԱՊԿ առաքելության տեղակայման հարցը, սա առաջին բլոկն է, ամենակարեւորը, երկրորդ կետը՝ որքան քաղաքական գործիչ, այնքան՝ տարբեր կարծիքներ, հնարավորություններ, ի դեպ, ուշադրություն գրավելու ապշեցուցիչ հայտարարությամբ»,- ասել է Զախարովան։

«Առաջին անգամը չէ, որ լսում եմ, թե ինչ է նշանակում «ՀԱՊԿ-ը հեռանում է Հայաստանից» արտահայտությունը, ուզում եմ այս հարցերը ևս մեկ անգամ ուղղել հայկական կողմին, բայց իմ կողմից ավելացնեմ հարցը. այն մարդիկ, որոնք նման բան են հայտարարում, ինչպե՞ս են տեսնում Հայաստանի՝ ՀԱՊԿ մուտք գործելու գործընթացը։ Եթե նրանք արձանագրում են դուրս գալը, ուրեմն տեսնում են նաև մուտք գործելու գործընթա՞ցը։ Չէ՞ որ նրանք դա ինչ-որ կերպ, անշուշտ, տեսնում են». - հավելել է ՌԴ ԱԳՆ խոսնակը։