Երթուղայինում դանակահարության դեպքով արդեն Քննչական կոմիտեն է զբաղվում 

Երթուղայինում դանակահարության դեպքով արդեն Քննչական կոմիտեն է զբաղվում 

Այսօր դիմակ չկրելու վեճի պատճառով դանակահարություն է եղել երթուղայինում, որի հետևանքով մարդ է մահացել։

«Հրապարակի» հետ զրույցում ոստիկանությունից հայտնեցին, որ դեպքը տեղի է ունեցել Լեո և Պարոնյան փողոցների խաչմերուկում։ 

«Մենք ահազանգ ենք ստացել, որ Լեո և Պարոնյան փողոցների խաչմերուկում 54 համարի երթուղային «Գազելի» մեջ դանակահարություն է տեղի ունեցել», - ասաց ոստիկանության աշխատակիցը։ Այլ մանրամասների համար նա առաջարկեց դիմել Քննչական կոմիտե։ «Նրանք են դեպքի վայր մեկնել և վարույթն իրենք են իրականացնում», - նշեց նա։

Վեճը տեղի է ունեցել երկու տղամարդու միջև։ Այլ մանրամասների համար «Հրապարակը» զանգահարեց Քննչական կոմիտե, սակայն զանգերը մնացին անպատասխան։