Պուտինը գաղտնի տեխնոլոգիաներ է փոխանցել Չինաստանին. Politico
Hraparak
11 Սեպտեմբեր 2024 | 17:00
0
Միացյալ Նահանգները հայտարարել է, որ Չինաստանը զգալի ռազմական աջակցություն է ցուցաբերում Ռուսաստանին՝ դրանով իսկ օգնելով նրան Ուկրաինայի դեմ նվաճողական պատերազմ վարել։ Դրա համար Կրեմլը սկսել է Պեկինի հետ կիսվել տեխնոլոգիաներով՝ կապված սուզանավերի, հրթիռների և ժամանակակից զենքի այլ տեսակների հետ։
Այս մասին լրագրողների խմբին հայտնել է ԱՄՆ պետքարտուղարի տեղակալ Քուրթ Քեմփբելը Եվրամիության և ՆԱՏՕ-ի երկրների գործընկերների հետ Բրյուսելում հանդիպումից հետո, գրում է Politico-ն։
Եթե Վաշինգտոնը նախկինում պնդում էր, որ Չինաստանը Ռուսաստանին մատակարարում է երկակի օգտագործման տեխնոլոգիաներ, ուղղորդում է արևմտյան էլեկտրոնիկան և տրամադրում սարքավորումներ, որոնք կարող են օգտագործվել զենքի արտադրության համար, Քեմփբելը այժմ ավելի հստակ մեղադրանքներ է ներկայացնում Պեկինին, նշում է թերթը։
Սրանք այլեւս երկակի նշանակության զենքեր չեն, ասել է նա՝ նկատի ունենալով այն նյութերը, որոնք վերջերս Չինաստանը տրամադրում է Ռուսաստանին։
Մենք տեսնում ենք, թե ինչպես են ամենաբարձր մակարդակներում երկու երկրների կառավարությունները փորձում թաքցնել և պաշտպանել այս անհանգստացնող համագործակցության որոշ տարրեր: Այս գործունեության մեծ մասն իրականացվում է գաղտնի, գրում է պարբերականը:
Կարծիքներ