Իրանի նախագահն առաջարկել է վերացնել սահմանները

Սեպտեմբերի 11-ին, Մասուդ Փեզեշքիանը Իրանի Իսլամական Հանրապետության նախագահի պաշտոնում կատարել է իր առաջին արտասահմանյան պաշտոնական այցը։

Tasnim գործակալությունը հաղորդում է, որ Փեզեշքիանը մեկնել է Բաղդադ, որտեղ բանակցություններ է վարել իր իրաքցի գործընկեր Աբդուլ Լաթիֆ Ռաշիդի հետ։

Գործակալությունը նշում է, որ ԻԻՀ նախագահը կոչ է արել ստեղծել իսլամական երկրների համատեղ միություն։ Նա նաեւ առաջ է քաշել իսլամական երկրների միջեւ սահմանների վերացման հայեցակարգը՝ հետեւելով Եվրամիության օրինակին։ 

Փեզեշքիանն ընդգծել է, որ մահմեդական երկրների միջև ավելի սերտ միասնությունը կչեզոքացնի արտաքին պատժամիջոցները և կծառայի որպես «սիոնիստական ​​ահաբեկչության վերացման բանալի»: