Երրորդ կարգի հիպերտենզիա ունեմ․ եթե վիճակս վատանա, պիտի տեղյակ պահեմ, որ հետաձգեք նիստը
Երևան քաղաքի ընդհանուր իրավասության դատարանում , նախագահությամբ` դատավոր Մնացական Մարտիրոսյանի, տեղի է ունենում Ավետիք Չալաբյանի գործով դատական նիստը:
«Հարգելի դատարան, եթե հիշում եք, նախորդ դատական նիստին ես ձեր ներողամտությունը հայտնեցի ու խնդրեցի, որ ինձ ժամանակ տաք, որպեսզի ես բժշկական հետազոտություն անցնեմ։ Ես հետազոտությունը անցել եմ, պատասխանը եկել է երեկոյան։ Զարկերակային հիպերտենզիա է առկա՝ երրորդ կարգի»,- ասաց Չալաբյանը՝ դիմելով դատավոր Մնացական Մարտիրոսյանին։
«Ինձ բուժում են նշանակել, սակայն ես ոչինչ չեմ բացառում, որովհետև երրորդ կարգի հիպերտենզիան իրենից ենթադրում է այնպիսի բաներ, որ հնարավոր է ինչ-որ պահի վիճակս վատանա։ Ես ուզում եմ ձեզ տեղեկացնել, որ եթե վիճակս վատանա, այդ պահին ես տեղյակ կպահեմ, որպեսզի նիստը հետաձգեք»,- հավելեց։
Կարծիքներ