Կհանդիպեն Կիրիլ պատրիարքը եւ Գարեգին Բ-ն
Hraparak
2 Ապրիլ 2019 | 10:00
0
Ռուս Ուղղափառ եկեղեցու Մոսկվայի պատրիարքարանի մամուլի ծառայությունը տեղեկացնում է, որ ապրիլի 2-ին տեղի կունենա Մոսկվայի եւ Համայն Ռուսիո Կիրիլ պատրիարքի եւ Ամենայն Հայոց Գարեգին Բ-ի հանդիպումը։
Հիշեցնենք, որ սպասվող հանդիպման մասին տեղեկացրել էր նաեւ Մայր Աթոռը՝ առանց կոնկրետ ժամկետի նշման։ Մարտի 25-ին Մայր Աթոռի տարածած հայտարարությունում միայն ասվում էր, որ Ամենայն Հայոց կաթողիկոս Գարեգին Բ-ն հայրապետական այցով մեկնել է Նոր Նախիջեւանի եւ Ռուսաստանի Հայոց թեմ եւ այցի շրջանակներում նախատեսվում է նաեւ Մոսկվայի եւ Համայն Ռուսիո պատրիարք Կիրիլի հանդիպումը։
Ուշագրավ է այն, որ Մոսկվայի պատրիարքարանը Կիրիլ պատրիարք-Գարեգին Բ հանդիպման լուսաբանման հետ կապված նաեւ հայտարարել է լրագրողների հավատարմագրում։
Կարծիքներ