Ադրբեջանը մարտական ինքնաթիռներ է բարձրացրել երկինք
Ադրբեջանի ռազմաօդային ուժերի մարտական ինքնաթիռները ուսումնամարզական թռիչքներ են իրականացրել, հաղորդում են այդ երկրի ԶԼՄ-ները՝ ՊՆ-ի մամուլի ծառայությունը վկայակոչելով։
Հաղորդագրության համաձայն՝ թռիչքներն իրականացվել են սահմանված երթուղիներով։ Ռազմական օդաչուները կատարել են թռիչքի և վայրէջքի առաջադրանքներ, ինչպես նաև բարդ օդային և մարտական մանևրներ ցածր և միջին բարձրությունների վրա:
«Զինվորական անձնակազմի մարտական հմտությունները կատարելագործելու նպատակով անցկացված վարժանքների ընթացքում ռազմական օդաչուները ցուցաբերել են բարձր պրոֆեսիոնալիզմ», - ասվում է պաշտպանության գերատեսչության հաղորդագրությունում։
Կարծիքներ