Բեռլինում կստեղծվի համաճարակների հետազոտությամբ զբաղվող հատուկ լաբորատորիա
Առողջապահության համաշխարհային կազմակերպությունն ու Գերմանիայի իշխանությունները համատեղ կստեղծեն հատուկ լաբորատորիա Բեռլինում, որը կզբաղվի համաճարակների եւ պանդեմիաների տվյալների վերլուծությամբ: Այս մասին հայտարարել է ԱՀԿ ղեկավար Թեդրոս Ադնան Գեբրեյեսուսը: Լաբորատորիան աշխատելու է ամբողջ աշխարհում գտնվող իր գործընկերների հետ: Լաբորատորիան վերլուծելու է ինֆորմացիան, որպեսզի կանխատեսի, կանխարգելի եւ բացահայտի համավարակների եւ համաճարակների ռիսկերը, ինչպես նաեւ կզբաղվի դրան արձագանքման եւ դրանց դեմ պայքարի աշխատանքներով: Խոսքը մի այնպիսի գլոբալ հարթակի մասին է, որը կարող է հնարավորություն տալ հասանելիություն ունենալ կենսական կարեւորություն ունեցող մուլտիսեկտորալ տվյալների հանդեպ: Հարթակն աջակցելու է հանրային առողջությամբ զբաղվող մասնագետներին եւ քաղաքական գործիչներին, որպեսզի հնարավոր լինի ճիշտ որոշումներ կայացնել արտակարգ իրավիճակների հետ կապված:
Կարծիքներ