ԱՄՆ-ը բացատրություն է պահանջել Թուրքիայից
ԱՄՆ պետքարտուղարությունից հայտնել են, որ իրենք Թուրքիայից բացատրության են սպասում մի քանի երկրների, այդ թվում՝ ամերիկյան դեսպանների արտաքսման հարցի վերաբերյալ։
Այս մասին հայտնում է «ՌԻԱ Նովոստին»։
«Մենք կարդացել ենք այդ զեկույցները և պարզաբանումների ենք սպասում Թուրքիայի ԱԳՆ-ից»,- ասել է Պետդեպարտամենտի ներկայացուցիչը։
Հիշեցնենք, որ Թուրքիայի նախագահ Ռեջեփ Էրդողանը հայտարարել է, որ Թուրքիայի ԱԳՆ-ին հրահանգել է «պերսոնա նոն գրատա» հայտարարել 10 երկրների դեսպաններին, այդ թվում ՝ ԱՄՆ-ին, որոնք կոչ են արել ազատ արձակել իրավապաշտպան Օսման Կավալային։
«Ես հանձնարարել եմ մեր արտգործնախարարին անհապաղ միջոցներ ձեռնարկել, որպեսզի այդ 10 դեսպանները «պերսոնա նոն գրատա» հայտարարվեն», – ասել է Էրդողանը ՝ ելույթ ունենալով Էսկիշեհիր քաղաքում:
Հիշեցնենք, որ տասը երկրների դեսպանատներ կոչ էին արել Թուրքիային ազատ արձակել Կավալային: Կոչով հանդես էին եկել Կանադայի, Ֆրանսիայի, Ֆինլանդիայի, Դանիայի, Գերմանիայի, Նիդերլանդների, Նոր Զելանդիայի, Նորվեգիայի, Շվեդիայի և ԱՄՆ-ի դեսպանատները։
Կարծիքներ