Մոսկվան ու Կիևը միակարծիք են. դե՛մ են  Լեհաստանի՝ Ղրիմի մասին առաջարկին 

ՌԴ նախագահի մամուլի քարտուղար Դմիտրի Պեսկովը հայտարարել է, որ Ղրիմը ՄԱԿ-ի մանդատի տակ հանձնելու առաջարկը՝ նրա կարգավիճակի վերաբերյալ երկրորդ հանրաքվե անցկացնելու նպատակով, «անհեթեթ է»։

«Ռուսական տարածքը և ռուսական շրջանները չեն կարող որևէ քննարկման կամ փոխանցման առարկա լինել որևէ մեկին»,- ասել է նա։

Ավելի վաղ համապատասխան առաջարկով հանդես էր եկել Լեհաստանի արտգործնախարար Ռադոսլավ Սիկորսկին։ Նա նշել է, որ թերակղզին «խորհրդանշական նշանակություն ունի Ռուսաստանի համար» և «ռազմավարական նշանակություն՝ Ուկրաինայի համար»։

Երեկ Ուկրաինայի ԱԳՆ-ն, մեկնաբանելով առաջարկը, հայտարարել է, որ Ուկրաինայի տարածքային ամբողջականությունը երբեք չի եղել և չի կարող լինել քննարկման կամ փոխզիջման առարկա։