Ավտովթարից զոհված Հրանտի վերջին գրառումն ուղղված էր մորը

Ավտովթարից զոհված Հրանտի վերջին գրառումն ուղղված էր մորը
Չորսն էլ 20 տարեկան էին։ Չորսից մեկը Հրանտ Գասպարյանն էր՝ Երևանից, Մալաթիա-Սեբաստիա վարչական շրջանի բնակիչ: Ֆեյսբուքյան իմ ընկերների մեջ Հրանտ Գասպարյան անուն- ազգանունով զինվոր կար։ Երբ հայտնի դարձան զինվորների ինքնությունները, ներքին մի կասկածով գրեցի․ «Հրանտ ջան քեզ ոչինչ չի՞ եղել»։ Մտածեցի՝ գուցե նա չէ։ Սպասում էի, բայց պատասխան չկար։ Գրեցի նրա ընկերներից մեկին՝ Հրա՞նտն է․․․



Այո Հրանտն է։ Ֆեյսբուքյան էջում վերջին գրառումը մորն էր ուղղված․



##### [Hrant Gasparyan](https://www.facebook.com/profile.php?id=100004255728992&sk=wall&__tn__=%2CdC-R-R&eid=ARA9PGWobYN8ExX1Umtp1_iXOxpdiDlCvVEP1LaUMrfz5kqpY2ImqFKEkwNXeYChY7LyZL3fDYJYmaQc&hc_ref=ARQWftuOYjdZc7xcWjSQrlZVuqrUGky3s0aVX4oxq461yEfySNHRqQpNgBcau3kJKiA&fref=nf)



[4 November at 18:27](https://www.facebook.com/photo.php?fbid=1172341016251078&set=a.459288377556349&type=3)



Մամ ջան դուռդ բաց, որդիներդ քեզ կարոտած հեռվից գալիս են տուն (լատինատառ)



Նկարի վրա մակագրություն կար․ ախպերս ու ես։



Սլայդում՝ նկարներ



Հիշեցնենք, որ այսօր՝ ժամը 13.00-ի սահմաններում, N զորամասի հաշվեկշռում գտնվող «Կամազ» մակնիշի ավտոմեքենան, Որոտան-Խնձորեսկ ավտոճանապարհի 5-րդ կմ հատվածում դուրս է եկել ճանապարհի երթևեկելի մասից և գլորվել ձորը, ինչի հետևանքով ավտոմեքենայի վարորդ, պարտադիր ժամկետային զինծառայող, շարքային Էդգար Արմենի Հունանյանը և ավտոմեքենայի թափքում գտնվող պարտադիր ժամկետային զինծառայողներ, շարքայիններ Հայրապետ Վոլոդյայի Նաիրյանը, Հրանտ Արայի Գասպարյանը և Դավիթ Բենիամինի Մելքոնյանը ստացած մարմնական վնասվածքներից մահացել են:



Հասմիկ Բաբաջանյան