Մեյվեզերը հույս ունի մեծ հոնորար ստանալ Նուրմագոմեդովի հետ մենամարտի դիմաց

Ամերիկացի բռնցքամարտին Ֆլոյդ Մեյվեզերը մեկնաբանել է իր եւ Բացարձակ մենամարտերի առաջնության չեմպիոն Հաբիբ Նուրմագոմեդովի մենամարտի հավանականության մասին շրջանառվող լուրերը եւ հայտարարել, որ իրենց մենամարտի հոնորարը պետք է գերազանցի Հաբիբի եւ Կոնոր Մակգրեգորի մենամարտի համար սահմանված հոնորարին։ «Հաբիբի հետ մենամարտի համար ես պետք է ստանամ իննանիշ հոնորար։ Ես պետք է ավելին ստանամ, քան Կոնորի հետ մենամարտի արժեքն էր։ Կարծում եմ, որ դա 100 միլիոնով ավելին կլինի, քան ես ստացել եմ իռլանդացու հետ մենամարտի համար»,- ասել է Մեյվեզերը, ըստ TMZ-ի։ Հիշեցնենք, որ Մեյվեզեր-Մաքգրեգոր մենամարտն արժեցել է 300 միլիոն դոլար։