Դատապարտել են բանտարկության՝ ահաբեկիչներին ֆինանսավորելու համար

Դատապարտել են բանտարկության՝ ահաբեկիչներին ֆինանսավորելու համար
Ռուսաստանի Անդրբայկալյան մարզի բնակչին դատապատել են երեք ու կես տարվա ազատազրկման՝ ԻՊ ահաբեկչական խմբավորմանը ֆինանսական աջակցություն ցուցաբերելու համար։ Այս մասին հայտնում է** **«РИА Новости» լրատվական գործակալությունը՝ վկայակոչելով Անվտանգության դաշնային ծառայության մամուլի կենտրոնի տարածած հայտարարությունը։



Ըստ գործի նյութերի, ամբաստանյալ Շարաֆ Ահմեդովը գումար է փոխանցել 2016 թվականի հունիս ամսին էլեկտրոնային մի դրամապանակի հաշվին, որը օգտագործվել է ԻՊ ահաբեկիչների կողմից՝ խմբավորման գործունեության ընթացքում առաջացած ծախսերը հոգալու համար։ Գործը քննվել է ՌԴ Հեռավոր Արեւելքի ռազմական դատարանում, որը գտնվում է Չիտայում։ Ահմեդովը իր պատիժը կկրի ընդհանուր ռեժիմի ազատազրկման հիմնարկում։ Ի դեպ, դատաքննության ժամանակ ամբաստանյալը ամբողջովին ընդունել է իր մեղքը։