Կիեւում հայտարարել են, որ Մոսկվային իրազեկել են բարեկամության դաշնագրի գործողության ժամկետի չերկարաձգման մասին

hraparak 22 Սեպտեմբեր 2018 | 16:53 0

Կիեւում հայտարարել են, որ Մոսկվային իրազեկել են բարեկամության դաշնագրի գործողության ժամկետի չերկարաձգման մասին Ուկրաինայի Գերագուն Ռադայի պատգամավոր Ալեքսեյ Գոնչարենկոն հայտարարել է, որ պաշտոնական Կիեւը արդեն տեղեկացրել է Մոսկվային այն մասին, որ ռուս-ուկրաինական բարեկամության դաշնագրի գործողության ժամկետի երկարաձգում տեղի չի ունենալու։ Այս մասին հայտնում է УНН-ը։

«Որքան ինձ հայտնի է, արդեն իրազեկվել է այդ մասին»,- ասել է պատգամավոր Գոնչարենկոն։ Նշենք, որ Ուկրաինայի Ազգային անվտանգության եւ պաշտպանության խորհրդի որոշմամբ, Ուկրաինայի ԱԳ նախարարությունը պետք է տեղեկացներ Ռուսաստանին այն մասին, որ 1997 թվականին կնքված ռուս-ուկրաինական բարեկամության մեծ դաշնագրի գործողության ժամկետը չի երկարաձգվելու։ Նույնի մասին Կիեւը տեղեկացնելու էր նաեւ ՄԱԿ-ին, ԵԱՀԿ-ին եւ այլ կազմակերպությունների։