«Հրապարակ»․Ծառուկյանը որոշել է Ուրիխանյանի թեկնածությունը ներկայացնել

Մեր տեղեկություններով, Գագիկ Ծառուկյանը որոշել է Տիգրան Ուրիխանյանի թեկնածությունը ներկայացնել ԱԺ կրթության եւ գիտության մշտական հանձնաժողովի նախագահի պաշտոնում, որը նախկինում զբաղեցնում էր Վարդան Բոստանջյանը։



Վերջինս իր անզգույշ մտքերի, մասնավորապես Քոչարյանի ձերբակալությունը քաղաքական հետապնդում որակելու պատճառով ստիպված եղավ հրաժարվել մանդատից, թեեւ հայտարարեց, որ առողջական խնդիրներ ունի։ Ուշագրավ է, որ Ուրիխանյանը չի հանդիսանում սույն հանձնաժողովի անդամ, «Ծառուկյան դաշինք» խմբակցությունից այստեղ ներկայացված են Իվետա Տոնոյանն ու Հովիկ Աբրահամյանի զարմուհի Կարինե Պողոսյանը, իսկ Ուրիխանյանը պետաիրավական հարցերի հանձնաժողովի անդամ է, սակայն գրեթե չի ներկայանում նիստերին։