Ի պատասխան մեր հրապարակման

Ի պատասխան մեր հրապարակման
Ի պատասխան «Հրապարակ» օրաթերթի «Գագիկ Հարությունյանն իրեն իրավունք է վերապահում «զբաղվել» մամուլով» վերտառությամբ [հրապարակման](https://www.hraparak.am/posts/5b88e41e3ebae76ffbf5e4fd/%D5%A3%D5%A1%D5%A3%D5%AB%D5%AF-%D5%B0%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6%D5%B5%D5%A1%D5%B6%D5%B6-%D5%AB%D6%80%D5%A5%D5%B6-%D5%AB%D6%80%D5%A1%D5%BE%D5%B8%D6%82%D5%B6%D6%84-%D5%A7-%D5%BE%D5%A5%D6%80%D5%A1%D5%BA%D5%A1%D5%B0%D5%B8%D6%82%D5%B4-%D5%A6%D5%A2%D5%A1%D5%B2%D5%BE%D5%A5%D5%AC-%D5%B4%D5%A1%D5%B4%D5%B8%D6%82%D5%AC%D5%B8%D5%BE)[՝](https://www.hraparak.am/posts/5b88e41e3ebae76ffbf5e4fd/%D5%A3%D5%A1%D5%A3%D5%AB%D5%AF-%D5%B0%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6%D5%B5%D5%A1%D5%B6%D5%B6-%D5%AB%D6%80%D5%A5%D5%B6-%D5%AB%D6%80%D5%A1%D5%BE%D5%B8%D6%82%D5%B6%D6%84-%D5%A7-%D5%BE%D5%A5%D6%80%D5%A1%D5%BA%D5%A1%D5%B0%D5%B8%D6%82%D5%B4-%D5%A6%D5%A2%D5%A1%D5%B2%D5%BE%D5%A5%D5%AC-%D5%B4%D5%A1%D5%B4%D5%B8%D6%82%D5%AC%D5%B8%D5%BE)



Հարկ ենք համարում նշել, որ լրատվության միջոցների հետ դատարանների և Բարձրագույն դատական խորհրդի փոխհարաբերության կանոնները մշակելու նախաձեռնության հիմքում դրված են «ՀՀ դատական օրենսգիրք» սահմանադրական օրենքի 70-րդ հոդվածի 2-րդ մասի 17-րդ կետը, այն է՝ ի պաշտոնե գործելիս դատավորը պարտավոր է զանգվածային լրատվության միջոցների հետ շփումներն իրականացնել Բարձրագույն դատական խորհրդի սահմանած կանոններին համապատասխան, ինչպես նաև 89-րդ հոդվածի 1-ին մասի 22-րդ կետը, ըստ որի՝ Բարձրագույն դատական խորհուրդը հաստատում է զանգվածային լրատվության միջոցների հետ իր և դատարանների փոխհարաբերության կանոնները:



Հաշվի առնելով այդ փաստաթղթի նկատմամբ հանրային մեծ հետաքրքրությունը՝ ԲԴԽ-ի կողմից մշակված նախագիծն անցնում է հանրային քննարկման փուլ. այն ուղարկվել է տարբեր լրատվամիջոցների և հասարակական կազմակերպությունների, տեղադրված է նաև դատական իշխանության պաշտոնական կայքում:



Առնվազն տարօրինակ է ու մտահոգիչ, որ «Հրապարակ» օրաթերթի փորձառու լրագրող Սյուզան Սիմոնյանը, ծանոթանալով նախագծին, ավելին՝ իր մոտ առաջացած հարցերի շուրջ զրուցելով նախագծի հեղինակներից ԲԴԽ գիտնական-անդամ Գևորգ Դանիելյանի հետ, այնուամենայնիվ, մնացել է թյուրըմբռնման տիրույթում՝ համառորեն «չճանաչելով» վերոնշված պարզ ճշմարտությունները: Ավելին՝ լրագրողն իրեն իրավունք է վերապահել շրջանցել ևս մի պարզ իրողություն, որ Խորհուրդը կոլեգիալ մարմին է: Իրականության հետ աղերս չունեցող վերնագիր հորինելով` ակամա թյուրընկալում է ստեղծել ընթերցողի մոտ: Առնվազն՝ պրոֆեսիոնալ չէ, հարգելի լրագրող:



Բարձրագույն դատական խորհուրդը դատական իշխանության գործունեությունը լուսաբանող լրատվամիջոցների ներկայացուցիչներից ակնկալում է պրոֆեսիոնալ և կառուցողական քննարկումներ, դիտարկումներ և կարծիքներ:



_Դատական դեպարտամենտի մամուլի և հասարակայնության հետ կապերի ծառայություն_