ՊՆ ուղղաթիռը Բիլզերյանին ու Լևոն Քոչարյանին տարել է Արցախ (ֆոտո)

ՊՆ ուղղաթիռը Բիլզերյանին ու Լևոն Քոչարյանին տարել է Արցախ (ֆոտո)
Ինչպես արդեն տեղեկացրել ենք, ամերիկահայ միլիարդատեր, «Պոկերի արքա» Դեն Բիլզերյանն այսօր Ռոբերտ Քոչարյանի որդու՝ Լևոն Քոչարյանի և վերջինիս կնոջ՝ երգչուհի Սիրուշոյի ուղեկցությամբ մեկնել է Արցախ։ Այս մասին Բիլզերյանը տեղեկացրել է ինստագրամյան իր էջում՝ հրապարակելով ուղղաթիռի տեսագրությունն ու լուսանկարներ։



Մեզ հաջողվեց պարզել, որ Բիլզերյանը և նրա ընկերները Արցախ են մեկնել ՀՀ զինված ուժերին պատկանող ուղղաթիռով։ Տեղեկությունը մեզ հետ զրույցում հաստատետ ՊՆ մամուլի խոսնակ Արծրուն Հովհաննիսյանը։



«Արցախ է մեկնել ՀՀ զինված ուժերին պատկանող ուղղաթիռով, ոչ կառավարական, սովորական ՄԻ-8-ով, ուղղաթիռը տրամադրվել է Արցախի ռազմաքաղաքական ղեկավարության դիմումի համաձայն, համապատասխան ընթացակարգով, արտոնել և հրամայել է ԶՈՒ շտաբի պետը»,-մեզ հետ զրույցում նշեց խոսնակը։



Հարցին՝ դրա համար վճարում կատարվե՞լ է պետբյուջե, Արծրուն Հովհաննիսյանն ասաց, որ այս պահին իրավասու չէ պատասխանել այդ հարցին, բայց նշեց, որ դրա համար երկու մեթոդ կա՝ վճարովի և անվճար, եթե դա կոնկրետ ՀՀ անվտանգության կամ այլ շահերին նպաստող քայլով է արվում։



![](https://scontent.fevn1-1.fna.fbcdn.net/v/t1.15752-9/40261737_173504640142094_6154227259407335424_n.png?_nc_cat=0&oh=9db3bd423126b634f7602368eadf6513&oe=5BF6E47C)



![](https://scontent.fevn1-1.fna.fbcdn.net/v/t1.15752-9/40265946_542739052831542_5942078711326048256_n.jpg?_nc_cat=0&oh=44a33a31e14fff0bcb9ab34f70b8fc87&oe=5C005646)