Միացյալ Նահանգներում տիեզերական զորքերը կարեւոր են բանկային ոլորտի պաշտպանության համար

Միացյալ Նահանգներում տիեզերական զորամիավորումների ստեղծումը կարեւոր է, որպեսզի պաշտպանվեն էներգահամակարգն ու բանկային համակարգը։ Այս մասին գրում է Washington Examiner-ը՝ վկայակոչելով NASA-ի ղեկավար Ջիմ Բրայդենստայնին։



Վերջինիս խոսքերով, ամերիկյան արբանյակների աշխատանքների խաթարումը կարող է բերել գոյաբանական սպառնալիքի ամերիկացիների համար, ինչով պայմանավորված էլ անհրաժեշտ է, որպեսզի ամերիկյան զինված ուժերը զբաղվեն նաեւ տիեզերական տարածության պաշտպանությամբ։ Բրայդենստայնը նշել է, որ բանկային ամեն մի գործողություն պահանջում է GPS նույնականացում, ինչը իրականացվում է արբանյակային ազդանշանների միջոցով։ «Չկա GPS համակարգ, չկա նաեւ բանկային համակարգ»,- ամփոփել է ամերիկացի բարձրաստիճան պաշտոնյան։