Մարգինալների սադրանքը
Մարգինալների սադրանքը Վարչապետ Նիկոլ Փաշինյանի պաշտոնավարման 100 օրվա առթիվ հանրահավաքին ընդառաջ՝ Հիմնադիր խորհրդարան ինքնաանվանվող կառույցը եւ Սասնա ծռեր խմբավորումը հանդես են եկել հայտարարությամբ, որի հիմնական թիրախն Արցախն է: Տեքստի հեղինակները ոչ միայն իրենց թույլ են տվել վերագրումներ անել Արցախի իշխանություններին, այլեւ կոչով դիմել արցախահայությանը՝ հորդորելով նույն օրը եւ ժամին զուգահեռ հանրահավաք անցկացնել՝ անհապաղ իշխանափոխության պահանջով: Հայաստանի քաղաքական դաշտում հայտնվելով լուսանցքից դուրս, ոչ անհայտ մի քանի անձինք փորձում են ինքնահաստատվել՝ շահարկելով Արցախի խնդիրը եւ արցախահայության ապագան: Այդ մարդիկ չեն կարողանում սթափ գնահատել իրականությունը եւ իրենց հնարավորությունները: Հայաստանում իշխանափոխությունից հետո նրանցից ոմանք հայտնվել են ազատության մեջ եւ ճգնում են տպավորություն ստեղծել, թե հետապնդվել են քաղաքական նկատառումներով, մասնավորապես՝ «ապագաղութացման գաղափարախոսության եւ Արցախի հարցում անզիջում կեցվածքի» պատճառով:
Թերեւս ճիշտ կլիներ, որ նրանք սպասեին արդարադատության վերջնական վճռին: Իսկ եթե նպատակադրվել են զբաղվել քաղաքականությամբ, ապա դրա համար կա օրինական ճանապարհ՝ կազմակերպվել եւ գրանցվել որպես կուսակցություն, նախապատրաստվել եւ մասնակցել առաջիկա արտահերթ խորհրդարանական ընտրություններին: Արդյունքները ցույց կտան, թե ընտրողների ո՞ր մասն է վստահում Հիմնադիր խորհրդարանին եւ Սասնա ծռերին: Ինչ վերաբերում է Արցախին, ապա իշխանության ճակատագիրն այնտեղ որոշում է ժողովուրդը: Արցախում հայտարարվել է քաղաքական բարեփոխումների ուղեգիծ: Մեկնարկը տրված է, սպասվում են նոր փոփոխություններ, քաղաքական ուժերը նախապատրաստվում են 2020թ. նախագահական եւ խորհրդարանական ընտրություններին: Նրանք, արցախահայությունն՝ առհասարակ, արտաքին հուշարարի կարիք չունեն: Մանավանդ որ հուշարարի դերում հանդես են գալիս մի խումբ արկածախնդիր մարգինալներ, ինչն ավելի շատ վատ քողարկված սադրանք է հիշեցնում, քան՝ Արցախի ճակատագրով մտահոգություն:
Թերեւս ճիշտ կլիներ, որ նրանք սպասեին արդարադատության վերջնական վճռին: Իսկ եթե նպատակադրվել են զբաղվել քաղաքականությամբ, ապա դրա համար կա օրինական ճանապարհ՝ կազմակերպվել եւ գրանցվել որպես կուսակցություն, նախապատրաստվել եւ մասնակցել առաջիկա արտահերթ խորհրդարանական ընտրություններին: Արդյունքները ցույց կտան, թե ընտրողների ո՞ր մասն է վստահում Հիմնադիր խորհրդարանին եւ Սասնա ծռերին: Ինչ վերաբերում է Արցախին, ապա իշխանության ճակատագիրն այնտեղ որոշում է ժողովուրդը: Արցախում հայտարարվել է քաղաքական բարեփոխումների ուղեգիծ: Մեկնարկը տրված է, սպասվում են նոր փոփոխություններ, քաղաքական ուժերը նախապատրաստվում են 2020թ. նախագահական եւ խորհրդարանական ընտրություններին: Նրանք, արցախահայությունն՝ առհասարակ, արտաքին հուշարարի կարիք չունեն: Մանավանդ որ հուշարարի դերում հանդես են գալիս մի խումբ արկածախնդիր մարգինալներ, ինչն ավելի շատ վատ քողարկված սադրանք է հիշեցնում, քան՝ Արցախի ճակատագրով մտահոգություն:
Կարծիքներ