Զելենսկին ասել է, որ ստորագրել է Ստամբուլի կոնվենցիայի վավերացման օրենքը
Ուկրաինայի նախագահ Վլադիմիր Զելենսկին հայտարարել է, որ ստորագրել է օրենք կանանց նկատմամբ բռնության կանխարգելման և դրա դեմ պայքարի մասին Ստամբուլի կոնվենցիայի վավերացման մասին։
Երկուշաբթի օրը Ուկրաինայի խորհրդարանը աջակցեց կանանց նկատմամբ բռնության կանխարգելման և դրա դեմ պայքարի Ստամբուլյան կոնվենցիայի վավերացմանը։
«Ստորագրվել է Ստամբուլի կոնվենցիայի վավերացման մասին օրենքը: Դրա հիմնական բովանդակությունը պարզ է, բայց չափազանց կարևոր:Մենք կիսում ենք եվրոպական արժեքները: Մեզ համար մարդկային կյանքը, առողջությունը ամենաբարձր արժեքն է»,- ասված է Զելենսկիի Instagram սոցիալական ցանցում արված հայտարարության մեջ։
Եվրոպայի խորհրդի՝ Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին Ստամբուլի կոնվենցիան ընդունվել է Եվրոպայի խորհրդի բոլոր անդամ երկրների կողմից 2011 թվականի մայիսի 11-ին, այն դարձել է առաջին եվրոպական համաձայնագիրը, որն ուղղված է կանանց նկատմամբ բռնության և ընտանեկան բռնության դեմ պայքարին։
Կարծիքներ