Լիքը աղբամաններ, անտանելի գարշահոտություն. Հրազդանում աղբահանություն չի կատարվում
Արդեն մի քանի օր է, ինչ Հրազդան քաղաքի տարբեր թաղամասի բնակիչներ ահազանգում են, որ քաղաքի որոշ թաղամասերում աղբահանություն չի կատավում: Բնակիչների խոսքով՝ աղբամանները արդեն 3 օր է լիքն են, իսկ ամռան շոգին գարշահոտություն է ամենուր. «Եթե աղբամանը դրված է մայթից քիչ հեռավորության վրա, ապա այդ տեղով քայլել անհնար է: Աղբը մի կողմից, շները, ագռավները, կովերն էլ մյուս կողմից, ողջ աղբը ցրիվ են տալիս: Մեր քաղաքը միշտ էլ կեղտոտ է եղել: Տպավորությունն այնպիսին է, որ քաղաքապետի հրաժարականից հետո դիտավորյալ աղբը չեն տեղափոխում», -բողոքում են հրազդանցիները:
Հրազդանի քաղաքապետարանի ենթակայության տակ 3 ՀՈԱԿ-ներ են գործում, բայց արի ու տես այս օրերին քաղաքում աղբահանությունը օրերով չի կատարվում: «Աղբահանություն եւ սանմաքրում» բյուջետային հիմնարկի տնօրեն՝ Մաքսիմ Հարությանյանը այս վիճակը պատճառաբանեց աղբատար մեքենաների անսարքությամբ. «Մեր մեքենաները խարաբ են եղել, դրանից էլ ուշ-ուշ են աղբը տանում: Կներեք, ես էլ ռուլին եմ, չեմ կարող խոսել»:
Ի դեպ նշենք, որ մեր զանգից հետո Միկրոշրջանի 54 շենքի տարածքի աղբը մաքրել են, իսկ մնացած թաղամասերում դեռ աղբամանները լիքն են:
**Նելլի Կարապետյան**
Հրազդանի քաղաքապետարանի ենթակայության տակ 3 ՀՈԱԿ-ներ են գործում, բայց արի ու տես այս օրերին քաղաքում աղբահանությունը օրերով չի կատարվում: «Աղբահանություն եւ սանմաքրում» բյուջետային հիմնարկի տնօրեն՝ Մաքսիմ Հարությանյանը այս վիճակը պատճառաբանեց աղբատար մեքենաների անսարքությամբ. «Մեր մեքենաները խարաբ են եղել, դրանից էլ ուշ-ուշ են աղբը տանում: Կներեք, ես էլ ռուլին եմ, չեմ կարող խոսել»:
Ի դեպ նշենք, որ մեր զանգից հետո Միկրոշրջանի 54 շենքի տարածքի աղբը մաքրել են, իսկ մնացած թաղամասերում դեռ աղբամանները լիքն են:
**Նելլի Կարապետյան**
Կարծիքներ