Նախկին իշխանությունների հետ կապված ընկերություններ են տուգանվում
ՊԵԿ խոշոր հարկ վճարողների տեսչությունը ստուգումներ է իրականացնում տարբեր կազմակերպություններում։ Մեր ուշադրությունը գրավեց երկու որոշում՝ հրապարակված ՊԵԿ պաշտոնական կայքում։ Մեկը վերաբերում է Կիեւյանում գտնվող «Տաշիր պիցցայի» մասնաճյուղին, մյուսը՝ Վանաձորում գտնվող «Սեզամ-գազ» ընկերությանը։ Այս երկու ընկերություններում էլ խախտումներ են հայտնաբերվել՝ ընդ որում այս տարվա ընթացքում երկրորդ անգամ։ Խոսքն, ըստ ամենայնի, ՀԴՄ կտրոն չխփելու մասին է։ Եւ ՊԵԿ նախագահի 25.06.2018-ին կայացրած որոշմամբ այս երկու հիմնարկները փակվել են 5 օրով։
Թեեւ հնարավոր է, որ տուգանքից բացի տուգանված ընկերությունները վճարեն լրացուցիչ գումար եւ նշված հիմնարկները չփակվեն։ Դա օրենքով թույլատրված է։ Ինչո՞վ են ՊԵԿ-ի այս որոշումներն ուշագրավ։ Բանն այն է, որ այս երկու հիմնարկներն ուղղակիորեն կապված են նախկին իշխանությունների հետ։ Դրանցից մեկը, ինչպես հայտնի է, հայտնի ռուսաստանաբնակ մեծահարուստ Սամվել Կարապետյանին է պատկանում, իսկ «Սեզամ գազը»՝ ԱԺ ՀՀԿ խմբակցության ղեկավար Վահրամ Բաղդասարյանին։
Թեեւ հնարավոր է, որ տուգանքից բացի տուգանված ընկերությունները վճարեն լրացուցիչ գումար եւ նշված հիմնարկները չփակվեն։ Դա օրենքով թույլատրված է։ Ինչո՞վ են ՊԵԿ-ի այս որոշումներն ուշագրավ։ Բանն այն է, որ այս երկու հիմնարկներն ուղղակիորեն կապված են նախկին իշխանությունների հետ։ Դրանցից մեկը, ինչպես հայտնի է, հայտնի ռուսաստանաբնակ մեծահարուստ Սամվել Կարապետյանին է պատկանում, իսկ «Սեզամ գազը»՝ ԱԺ ՀՀԿ խմբակցության ղեկավար Վահրամ Բաղդասարյանին։
Կարծիքներ