Բիթքոյնը արժեզրկվել է 4 տոկոսով

Բիթքոյն կրիպտոարժույթը 4 տոկոսով արժեզրկվել է այն բանից հետո, երբ հայտնի է դարձել, որ Հարավկորեական կրիպտոարժութային բորսան հնարավոր է եղել կոտրել ցանցահենային հարձակումով։



Այս մասին տեղեկացնում է 1prime.ru-ն։



Ըստ այդմ, CoinMarketCap-ում բիթքոյնը վաճառվում է 6,599 հազար դոլար։



Հիշեցնենք, որ ավելի վաղ հարավկորեական Coinrail կրիպտոարժութային բորսան հայտարարել է, որ ենթարկվել է ցանցահենային հարձակման, որից հետո բոլոր միջոցների 70%-ը տեղափոխվել են Goldwallet, որտեղ եւ պահվել են։



Նշենք, որ Coinrail-ը կորցրել է իր միջոցների 30 տոկոսը կամ 37 միլիոն դոլար։ Մյուս կրիպտոարժույթները եւս հետեւում են բիթքոյնին եւ սրընթաց գնանկում են արձանագրում։ Այսպես Ethereum-ի էժանացումը կազմում է 6,96%, Ripple-ինը՝ 5,98%, Bitcoin Cash-ինը՝ 7,78%։ Նշենք, նաեւ, որ կրիպտոարժութային շուկայի կապիտալիզացիան կազմում է 283,1 միլիարդ դոլար։