«Հրապարակ»․ 1 ամիս աշխատելուց հետո

Ուղիղ 1 ամիս աշխատելուց հետո Մանե Թանդիլյանը հրաժարական տվեց․ «Սիրելի հայրենակիցներ, ես դեմ եմ եղել պարտադիր կուտակային համակարգին, իմ համախոհների հետ միասին կազմակերպել եմ ցույցեր եւ հիմա էլ գտնում եմ, որ կուտակայինը պետք է առանցքում ունենա ազատ կամահայտնության եւ ընտրության հնարավորության սկզբունքը։



Այս գրառումով ես դադարեցնում եմ աշխատանքի եւ սոցիալական հարցերի նախարարի իմ լիազորությունները։ Գործող կառավարությանը մաղթում եմ բազում հաջողություններ եւ հեռատեսություն՝ ի շահ ժողովրդավարական Հայաստանի․․․ դադարեցնում եմ նաեւ կուսակցությանն անդամակցությունը»։ Մեր տեղեկություններով՝ նախարարի առաջին տեղակալ Արսեն Մանուկյանը կփոխարինի Թանդիլյանին։