Սաուդյան Արաբիան հայտարարել է, որ իր միջուկային ծրագիրը կսկսի, եթե Իրանը վերսկսի իր միջուկային նախագիծը

Սաուդյան Արաբիայի ԱԳ նախարար Ադել ալ-Ջուբայրը հայտարարել է, որ իր երկիրը նույնպես կսկսի միջուկային զենքի մշակման նախագիծ իրականացնել, եթե Իրանը վերագործարկի իր միջուկային ծրագիրը:



Այս մասին հայտնում է CNN-ը: «Մենք ամեն բան կանենք, ինչը անհրաժեշտ է, որպեսզի պաշտպանենք մեր մարդկանց: Մենք բազմիցս ենք հայտարարել, որ եթե Իրանի մոտ միջուկային զենք հայտնվի, ապա մենք կպատասխանենք նույն կերպ», — ասել է Ադել ալ-Ջուբայրը:



Սաուդյան միապետության ԱԳ նախարարը նաեւ հավելել է, որ իրանական միջուկային գործարքն ի սկզբանե կատարյալ չէր եւ չէր ազդում որեւէ կերպ բալիստիկ հրթիռների մշակման իրանական ծրագրերին, կամ Իրանի կողմից ահաբեկչության աջակցության կանխմանը: Էր-Ռիյհադի ներկայացուցիչը ասել է, որ իր երկիրը չի ցանկանում անպայման ունենալ միջուկային զենք, սակայն ստիպված է իրեն ապահովագրել այդ կերպ Իրանի գործողություններից: