Բաքվում արձագանքել են Նիկոլ Փաշինյանի հայտարարություններին

Մենք դեռ հույս ունենք, որ Հայաստանի նոր քաղաքական ղեկավարությունը չի կրկնի այն սխալները, որոնք կատարել են նրանց նախորդները եւ կվարի առողջ դիվանագիտական քաղաքականություն: Ինչպես հայտնում է Minval.az-ն, այս մասին հայտարարել է Ադրբեջանի ԱԳ նախարարության խոսնակ Հիքմեթ Հաջիեւը` անդրադառնալով Հայաստանի վարչապետ Նիկոլ Փաշինյանի՝ ԼՂ հակամարտության կարգավորմանն առնչվող հայտարարություններին:



«Ափսոսում ենք, որ Փաշինյանը հանդես է գալիս հակասական հայտարարություններով` կապված Ղարաբաղյան հակամարտության կարգավորման բանակցային գործընթացի հետ»,- իր խոսքում ասել է Հաջիեւը` հիշեցնելով, որ ԼՂ բնակիչները ադրբեջանական սահմաններից ներս կարող են օգտվել իրենց ինքնորոշման իրավունքից, ինչը այս դեպքում ենթադրվում է Ադրբեջանի ինքնիշխանության եւ տարածքային ամբողջականության կազմում խաղաղ համակեցություն եւ բարգավաճում, երկու համայնքների արժանապատվության հարգմամբ: