Իրանական միջուկային գործարքի համաձայնագրի չեղարկումը սխալ կլինի. Բորիս Ջոնսոն

Մեծ Բրիտանիայի ԱԳ նախարար Բորիս Ջոնսոնը հայտարարել է, որ Իրանի հետ Միջուկային գործարքի համաձայնագրի չեղարկումը ամենամեծ սխալը կլինի, որը հնարավոր է պատկերացնել: Այս մասին հայտնում է The New York Times պարբերականը:



«Եղած բոլոր տարբերակների մեջ, որ Իրանը միջուկային զենք չի ստանա երբեք, սա միակն է, որն ունի ամենաքիչ թերությունները»,-գրել է Ջոնսոնը պարբերականում հրապարակած իր հեղինակային հոդվածում: Բրիտանական արտաքին քաղաքական գերատեսչության ղեկավարը կարծում է, որ համաձայնագրից հրաժարվելը նշանակում է Իրանի վրա դրված սահմանափակումների չեղարկում, ինչը սխալ քայլ է, քանի որ այդպես կշահի միայն ու միայն Իրանը:



Նշենք, որ գործարքի չեղարկման ջատագովը ԱՄՆ նախագահ Դոնալդ Թրամփն է: